Un dos nosos últimos lanzamentos foi Verdes Castros Garnacha. Elaborámolo na adega Terriña situada en Petín na D.Ou. Valdeorras.

As uvas coas que se elabora proceden de cepas plantadas en vaso, de pequenas viñas vellas nas que a mecanización é mínima, polo que requiren dun minucioso coidado manual.
Este mimo, que continúa nos traballos de adega, vese reflectido nos nosos Verdes Castros Garnacha.

Os acios maduros e sans, seccionados en viñedo e adega, son macerados en frío e fermentados en depósito a temperatura controlada. Tras o sangrado e prensado suaves, obtense o viño que, ao finalizar a fermentación maloláctica, descansa uns meses en depósito ata o seu embotellado.

Conta cunha cor vermella cereixa con ribete malva. En nariz presenta un aroma intenso e complexo marcado por froitas vermellas e interesantes notas balsámicas. En boca é amplo, potente e saboroso con frescura.
Marida á perfección con carnes vermellas, cocido, asados, queixos e embutidos curados.

Xa conta con dúas medallas de prata de diferentes concursos. A primeira delas obtida na pasada Cata Transfronteiriza de Tintos da revista HG& T e a última, deste 2021, no Catavinum World Wine & Spirits Competition 2021.

Descúbreo no teu supermercado máis próximo e proba os outros viños da familia: Verdes Castros Mencía e Verdes Castros Godello.